الهاجس اليا رعد يمطر من خياله =في روضة الفكر واقطفها من اقلامي
والطرس ضم الحبر رحب وحياله = ياميزة اوراقي اللي من ورا العامي
جتني بيوت الشرف والعز والقاله = ارسالة ن من غلاها اتمر باحلامي
بيوت شاعر وانا استمتع لمواله = واعلامه المبدعه راقت له اعلامي
مشعل هلا فيه في حله وترحاله = ترحيب مكه بمسلم لابس احرامي
احط مركاي عنده وانشد احواله = يقول في خير ماني جايع ن ضامي
الخير عله يزود ايطيب في فاله = وفي كل رجل ن كريم وربعه اكرامي
واللي عقد بالحبل للعقد حلاله = للخير وارد وللعدوان لطامي
وبعض الرياجيل ودك تارد لجاله = فيه الطناخه واشوف العز قدامي
نارد على الموت فوق الخيل خياله = وحنا رمينا وصبنا والله الرامي
وبعض الرياجيل ماتاخذ من اقواله = كذاب ويفرق العالم ونمامي
وبعض الرياجيل يوم يطول جداله = هو يحسبن السوالف ضرب والغامي
لاتجادله بالكلام وخلها بحاله = وخل العقل مصدرك وتزيح الاوهامي
واللي يكيل الوزن مازاد مكياله = ومن زاد مجرم ويتقن فعل الاجرامي