فايز البشري:


سلام تسليمة ٍ مني ماهي باختصار = تضّفي على المنتدى مني وتصل العموم
الطائرة وقعت يامحمدي بالمـــطار = من بعد ماحلقت من فوق عال الرجوم

سعد المحمدي


فايز البشري:
لك البقاء والحقيقة يوم لف الردار = ماضنتي راعي الطيحة بعدها يقوم
الكبتن الي بعد ماطار جاه انهيار = في شي ملزوم وإلا بشي ماله لزوم

سعد المحمدي:

اصـبــر عـلـيــه ثــــلاث ايــــام والا نــهــار
والـقـنـه درس مايـنـسـاه فـــي كــــل يــــوم
ترى الرجل يوم يلهث خلف داك السمار
ينزلـه مـن عيـون الـنـاس شــي محـتـوم

فايز البشري:
الاولة حولة تقدح سوات الشـــــــرار = حطيتها قدم عينه وختم ٍ الختوم
عساه يفهم ويدري قبل طبع القرار = وإلا لا طب البحر غرقان مهما يعوم

سعد المحمدي:
لقيتـهـا وعجبتـنـي ياحفـيـد الـحـرار
عليك ماهي غريبه ياقـوي العـزوم
اللي يدخل يده بالليل في كل غار
سلامتـه ياوسيـع المعرفـه مـاتـدوم


فايز البشري:
الي سواتك ويدري وين ضرب العيار = ماهو ببلشة سواء يفطر او انه يصوم
لاكن بلايه من الي تقل قطعت غيار = وإن لزمة دس راسه واختفا وسط كوم

سعد المحمدي:

الـيــا سـكـتـنـا وقـلـنــا مـاتـنــوش الــــزرار
نـصـيـر بـكــره طـمـاعـه لـــردي والــرخــوم
لايـهـمـك الـلــي يضيـعـهـا بـعــز الـنـهــار
ويصد لاوصلت الدعوى لروس الخشوم

فايز البشري
مانزعل اكبارنا لاكن حمينا الصغار = ولا نحشم الي يجي ويروح ماهو محشوم
لا عودت للعمار وصار فيها دمار = مثلك وشرواك يفرق سوم لاصار سوم

سعد المحمدي:


اخاف درب السفينه مع طريـق القطـار
ونصير انا ونت بين المجمعه والجموم
الـحـب يمـكـن يوصلـهـا عـنـابـر شـهــار
لوانـهـا مـــن ربـيــع الـعــام صـايــر ردوم