المشاركة الأصلية كتبت بواسطة فهد هليل الشاماني

للشعر في فكر المطاليق ميدان = يشوش له راسي وفكري يجيبه
يشتاق لي واشتاق له كل الأحيان = هو طب قلبي لأتنكر طبيبه
وسرجت له من خيل فكري كحيلان = اللي سجله ما كتب به غليبه
دايم وهوفي ساحة المجد كسبان = ومتوجا راعيه عزا وهيبة
ياساحة الشعار ماني بحيران = وافكار شعري با لمعاني خصيبه
اتعب على قطف التماثيل بإتقان = وآقدره قدر الحبيب لحبيبه
وآرجَحه بالطيب في كل ميزان = يالين يرجح بالموازين طيبه
هذا صديق العمر في كل الازمان = يفزع ليا كبرت وصارت مصيبه
وليا غدى قلبي من الهم مليان = جريت مسحوبه وقمت اعتزيبه
وجتني جزيلاته على كل الاوزان = يطرب لها قلبي وتطفي لهيبه
ومادام ربعي حرب ماني بخسران = قبيلةٍ صبيَها عن كتيبه
حربٍ لياعدوا هل الفعل فرسان = كم طامعا باابله وربعه اغديبه
سطر لها التاريخ بالمجد عنوان = وفعلا ينومس كل ما ينحكيبه
وخوينا يرقد وحنا له آمان = وبرواحنا نفديه ماهي غريبه
وقصة نويشي للخوي خير برهان = قضى على سته ويمنى قريبه
ودخيل لجله سلم الروح رحمان = ينزف وفاء قبره ويسلم صحيبه
امانةٍ ماتنتقدر بالاثمان =ويش اكبر من القبر فوقه نصيبه
وحجرف ليا عدو هل الجود له شان = خل الكرم يمشي معه بالغصيبه
ولايهون ابن ناحل وماجور ومعان = لو ماكسب يعطي وربه يثيبه
وكل القبايل والنعم ربع واخوان = وياسعد من صار النعم من نصيبه
هذي درر شاعر من آلاد شامان = يختار من جزلاته ويعتنيبه
جمَلتها بالجزل من دون نقصان = وعديتها لأهل الفعول النجيبة