ارحب وشلونك عساك انت مبسـوط=سـؤال كيفيـة صـلاة الجنـايـز
ياصاحبي كهرب خيالي ضرب شوط=وجايز اجيب العيد كل شـي جايـز
اللي مضا احساس واحد ومضغـوط=وان قلت عايز شـي اقـول عايـز
جنون حرفي في مدى الغيم مربـوط=كل ماخسر له تجربـه عـاد فايـز
ماخذ من اونواط المواجع كذا نـوط=وامنح على صوت الانيـن الجوايـز
قريت مره حادثـة قريـة اسيـوط=وضحكت لان المشكله مـن عجايـز
لي فلسفه تكسر قفل كـل مشـروط=اوقل ركيـزه بـس غيـر الركايـز
اذا غضب فصل من القافيـه سـوط=واذا رضى عبا الهوى فـي قزايـز
واليوم انا باكتب ولي بوح وشروط=اضم انا الشـرّد واسـوق الغزايـز
زرعك فجل وارتك على غصن بلوط=مالـك ومـال المثقلـه بالعـوايـز
ياصاحبي يامسندي جـاك مخطـوط=حايز وفاء حايز غـلا ايـه حايـز
ولاعاد تنشدني انـا ليـه مبسـوط=كل ماخسرلي تجربـه عـدت فايـز

ماكل حرف من الضروري له نقـوط=ولاكـل مايلـفـت الأنضارعـايـز
ياهاجس المعنى شبك فيك بخيـوط=احساس والأحساس ضمن الغرايـز
هذابدايـة ماكتبـتـه عـلـى اوط=وانهي بداية ماكتبتـه علـى آيـز
لآقلت انا المعنى يجي حيل مضبوط=واللي اشوفـه بايز(ن)قلـت بايـز
اغوص بحرالشعر ماغوص حابـوط=ومهارشعـري مـع بعضهالـزايـز
ابدع بشعري عندي ابـداع مفـروط=ابداع مصنـع ويلـز للـرّوز رايـز
لي غطرسه بالحرف عادي ومشحوط=ولي معرفه تجعـل رمالـه عزايـز
شعري بصدري بالجزيلات مخلـوط=وارقى بشعري فوق روس النوايـز
لآباطـة الأشعارماضنـه ايـبـوط=يبقـى رفيع(ن)ماتـهـزه هـزايـز
جاريـت شاعرحرماهوبشـبـوط=محمدحكيـم الـراي بالـراي نايـز
الطيـب في لحية ابوزيـدممشوط=يصمل بفعـل الطيـب ولاهوبهايـز
ويروقلي شعري على آيزواوط=واموت ويبقى فوق روس النوايز