الطوفان=
سلام الله سلام ن فيه؟ مدري يالربع وش فيه=على بطن وظهر بسـم لله الرحمـن بسـم لله
انا ابغى شاعر ن ينقض ويفتل حرف لي يبنيه=وطوفان ان حظر بسم لله الرحمـن بسـم لله
علي حاسن=
هلا يامرحبا يكفيه ..علـه ياعـرب يكفيـه=ولو مدة شهر بسم الله الرحمـن بسـم الله
ياطوفان انت شاعر والطريق الوعر لاتمشيه=ترى نصفه خطر بسم الله الرحمن بسـم الله
الطوفان=
يدوم البقا والوافـي اليـا وفـا نوفيـه=دامه ما قصر بسم الله الرحمن بسـم الله
ومدام أمشيه أحسب للمخاطر مافكر فيه=وأنا مشيي قطر بسم الله الرحمن بسم الله
علي حاسن=
الاول مايشابه ياطويل العمر لبن اخيـه=علامه من كسر بسم الله الرحمن بسم الله
ترى اللي ينعرف مبداه قالو ينكره تاليـه=ولو سافر مصر بسم الله الرحمن بسم الله
الطوفان=
يبا يخطيه غيري مايصيبه وأن رميـت أمحيـه=لازيد ولاعمر بسـم الله الرحمـن بسـم الله
وتبا ترمي على الشاره واخاف أن رميتك تهفيه=عصر ولا سحر بسم الله الرحمـن بسـم الله
علي حاسن=
نقفل باب يارعيه تفتح بـاب ياراعيـه=بلا علم وخبر بسم الله الرحمن بسم الله
نغيرها على نجد العذيه علهـا ترضيـه=بعيد عن البحر بسم الله الرحمن بسم الله
الطوفان=
تقفل باب والا تفتحه لك طيبنـا نهديـه=بدون أدنا حصر بسم الله الرحمن بسم الله
ومايرضي ربنا يرضيه والله سمعنا يوحيـه=ومنحنا الله البصر بسم الله الرحمن بسم الله