المشاركة الأصلية كتبت بواسطة تركي العماني

ياقو جرح لاجي(ن) بالحشا منك = جرح(ن) لجابي منك صعب(ن) اعْلاجه
الجرح يوم اقفيت عيني تعاينك = ذاك الصباح اظلم علي انبلاجه
الجرج ينزف مير نزفه يدونك = بضلوع من له فيك حاجه وحاجه
اقفيت عن مغليك واقفت ضعاينك = والقلب عقبك زاد فيه انزعاجه
خليتني عايش قسى حالة الضنك = وضاق الفضا عقبك وضاقت افجاجه
اسأل عليك الليل والله يامنك = من شي بصدري من البعد دآجه
ياليل وين اللي وجوده يزينك = اللي ليامن جيت يضحك حجاجه
حتى الهوى لامرني انشده عنك = يمك عسير الدرب سهل انتهاجه
اتغيب مهما اتغيب طيفك يبينك = ولاشفت طيفك قلت ياقلب ناجه
ويعود قلبي محمل(ن) من غباينك = ذكراك تخفي راحته وابتهاجه
ياقلب ياللي بعد غاليك طاعنك = خلك على ذكراه وانـْسَ المواجه