الوفا لهل الوفااا
اللهم ارحم امواتناااا واموات المسلمين
أكتم همومي وأبتسم عند الاجناب=وليا قسى وقت الرخى ماغدابي
ولادور الزله على بعض الاصحاب=ولايلتفت طير السعد للغرابي
ياصاحبي وينك ترى خاطري طاب=والله يابو صالح تزايد عذابي
من عقبكم جار الزمن والوفا غاب=وهموم قلبي مثل وبل السحابي
اقولها صادق ولاني بكذاب=من عقبكم شفت القهر في شبابي
ذاب الجليد اللي من العام ماذاب=استغفرالله قبل لافقد صوابي
مال المقابر ياصحيبي ترا باب=هذا عذر ياصاحبي عن غيابي
ياصاحبي وينك ترى خاطري طاب=تكفى يابوصالح ترد الجوابي
الميت اللي غاب ذكره وهو غاب=ولايموت منهو ريحته في ثيابي
الموت كلمه مالها عندي اعراب=مرحوم ياللي زاد عقبك عذابي