المشاركة الأصلية كتبت بواسطة بحر الكسره

بحر الكسره =
بان الذهب واتضح مغشوش = مافاده الصبغ والمعه
اصيل يالخاتم المنقوش = الصيت يكفيك والسمعه
ابو حسين =
الحر للميته ماينوش =صفاته الحر مجتمعه
يبقى على النايفه شابوش =بريق عينه كما الشمعه
بحر الكسره =
عمق البحر يحتويه قروش = ان ماحسب يفقد الرجعه
نرميه فوق الشعب مطشوش = المغتوي صابته فجعه
ابو حسين =
اللي من اقولنا مخروش = لابد مايذرف الدمعه
خليه يرعى حلف محشوش =يرعى من السبت للجمعه
بحر الكسره =
حنا عطينا وفى مفروش = نبغى الصفا فيه والجمعه
لاكن تعلاوحط عروش = عرش انهدم صابته رمعه
ابوحسين =
العرف ماينشرى بقروش = والعقل ياصاحبي نعمه
واللي يجينا وهو منفوش = يصبر على اللبد والقمعه