لاتحـاول تـقــول انــك نـويـت الابـتـعــاد=ابتعــادك مايــدل انـــك ذكي اوعـبـقــري
انت حاول في بقائــك والبقاء هو اجتهــاد=والبقـاء ماهو بسيــط مثــل اكل القـنـبــري
السياســة والمرونــه والصبر والاعتمــاد=والهــداوه والفكاهــه تشبــع اللي يحتــري
ثم لاتحسب حساب الماضيات احسب جداد=الجداد تعدل المصدوم مثــــل السمكـري
والتـأقـلـم والـتـفـاهـم والسـلاسـه لـك وكاد=فايــدتها لــك اكيـد وتثبت انــك مشتــري
لايغــرك من يـقـلك روح زود فالـعـنـــاد=العنـاد اردى وسيلـــة والوسائـل تنقــري
ومن قرى صفحتك خله يعترفلك بالرشاد=اويقــول انــك بها القصـــه تشابه عنتــري
يعتبـرك انك شجاعـاً مثل طارق بن زياد=اويقول انك تشابه عصــر عاش البحتري
الزعامـة والشجاعـة حركت حتى الجمـاد=خلت المتهـــوم تهمــه يعتبــر انــــه بـري
وانت اذا جمعت نفسك سار عنـدك اتحاد=العقل والفهم والمنطق بعــد وش تحتــري
سيـر في دربك وحط بعين حاسدك الرماد=ولايهمك من مشى بشويش اويجري جـري
من مشى بخطه حكيمه لازم ينول المراد=والمــراجل فالــرجال تنــولها ماتـنـشــري
وانت خذ عبرة من الابيات وادخل فالمزاد=ثم يوضحلك من الصادق ومين المفتــــري
مانصحت الالــوجــه اللــه خــلاق العبــاد=والنصايــح للجميـع اهداء مانـي عنصــري