يالموت لو شاورتني دون سلطان = اقـول روحـي دون سلطـان تفداه
اخـذت منا ذرب الايمان حـوران = واسقيتنا السم السقطري وذقناه
اقولها مـن صادق القلب ولسان = عـزاه يا قلبن شـكى هـم فرقاه
رحـل وخـلا بعـده الكـل حزنان = كـل الوطن اقصاه وادناه ينعاه
راع الفقارا واليتاما كحيـلان = وزبن الدخيل اللي دموعه تغشاه
يشهدله الماضي بجوده وإلاحسان = بيض الايادي منهو اليـوم ينساه
حتى فعوله فالعداء خير برهان = يكفي ليا منه نـوى يلطم إعداه
يكسب ولا يخسر على مـر الازمان = فـارس ولا ينشد عـن اللي تحداه
حرن على العليا تربع وله شان = الله عطـاه العـزم والطيب والجاه
اللـه يرحـم سيدي ذرب الايمان = ويالله عسا الفردوس داره ومثواه