ياهاجسي سطر من بيوت الأشعار = وابدا البيوت اللي بعيداً مداها
ياكاسبين الـطـيب يـا نــســل الأخــيـار = ياللي على العليا تبدى أسماها
قلته و أقـوله و الهوا كـل مـا دار = و اللي سمع صوتي يلبى أنداها
حنا الوهوب مطوعـت كـل بيطار = لـوصـلـت القاله عـلـى ورد مـاهـا
أفعالنا ما هي سواليف و أخبار = أفـعـالـنـا يـثبـت لـهـا مـن رواهـا
وحرب القبيله ما تكشف بها أسرار = حـربً على الجـزله رفيعً نــمــاهــا
أفعالها بانت عـلـى كـل الأقـطـار = أفعالها تـرفـع لـهـا مــسـتــواهــا
أهل الثلاث اللي على عزها شعار = يـفـخـر بـهـا الـحـربي على ما لفاها
قصة نويشي بالـوفـا عـز لـه بـار = لأجــل دخـيـلـه عــدهــا مــا عــداهــا
سته ذبحهم مـا تحير و لا أحـتــار = غـير الـيـمـين اللـي لـخــالــه رمـاهــا
و الأ البلالي بالفدا فعـلـه أعـبـار = عــن الفتى بالـروح نـفـسه فــــداهــا
و الا الكرم و الطيب ما فيه مـعـذار = هـذي لأبن نــحــل كسب مـحـتـواهــا
في لأبتي لا قلت من جزل الاشعار = أفـخـربـها مـا دام شـعـري حـواهــــا