الحضر يطرون البقى والبدو يطرون الرحيل=وللحق كلمه بيض الله وجه من يدليبها
ياصحابنا مافيه زبد الابعد خض الصميل=قولو لراع الكلمه اللي جابها يسربها
ياناقلين العلم قولو ماش شي ابلا حصيل=والاوله ياطيبها والثانيه واشيبها
ياهيه يابحر الندى مادري يابحر المستحيل=ان كان ماتدريبها غيرك ترى يدريبها
شفولنا همزة وصل في لوحة الدرب الطويل=يااهل الهجن واللي لقاله همزه ايغنيبها
حنا بلشنا في زمان العولمة واخر مديل=تبت يدين اللي تشيل الغاويه في جيبها
يالشعر صح الله لسان اللي يمدون الجزيل=العالم اللي تستحل الجزلة اوترهيبها
يامدعين الصح غنو مع لحن نهى نبيل=واليااسرحت فالقافيه قولولها تضويبها
لبيه ياسلطان ابن وسام يالوزن الثقيل=ولبيه ياعلم الأدب والدلة وشريبها
ولبيه ياللي تفرقون العلقم امن السلسبيل=ولبيه ياسمان العلوم اللي يذعذع طيبها
ولبيه يافحو الكلام اللي مثل ضرب الصقيل=ولله در اللي يقول الضايعه ماليبها
بعض القصيد ايمر لكن مايمر عابر سبيل=يبقى سواة الكلمه اللي كلنا نوحيبها
ياهيه يابحر الندى مادري يابحر المستحيل=الاوله ياطيبها والثانيه واشيبها