سر ياقلم سجل هجوسي وقافي= بدفاتر املتها قرون السواليف
خلوني أشعر لا تقولون كافي=هاجت بصدري الرياح النواسيف
ياويل قلب كان بالحيل غافي=لو انشدو عنه يقولون ماشيف
دارت به الدنيا على حضن دافي=مشتاق لمعانق حسين التواصيف
اللي بقلبي لك مصفى وصافي=وبه من الاشواق على شوقك يضيف
اللي بقلبي لك من الشوق خافي=ماظنتي يحتاج في يوم تعريف
كني على جمر القضى جيت حافي=عسى تنجبر العظام المتاليف
مسرا القصايد صوب غزال سنافي=صعب شراها وهاهنا ياقف القيف
(يحيى الصبحي الحربي)