يامل قلبِ يسري الود غاليه=مثل النجوم اللي سرت بالسواري
يهتز من شوق الوّله عند طاريه= مثل الشجر لاحركتّه الذواري
او مثل طيرٍ طار من كف راعيه=حزة مساء يطرد لجول الحباري
وانا طرقني شوق قلبي يناديه= مثل النسيم اليا طرق للخباري
في خايعٍ حل المطر في حراويه=اربع شهور وبارق الوسم ساري
حتى اكتمل نبت الذرا في مذاريه=واصبح يسُر العين لاهل الطواري
غدت فياضة مثل زرعٍٍ انداريه=غنت على اطرافه طيور الصفاري
لاتسألون القلب وشلون و وليه= الله عطاه الود مني اجباري
مايسأل المعطي على ويش معطيه=هي حكمته والقلب للود شاري
احساس قلبي ترجمة لي معانيه=ابيات شعر و حل للشعر طاري
قامت معانيها تنادي معانيه= تقول ما مثله مع الناس صاري
لنه على العليا مشيد مابانيه= لاو الله إلا حاز جل الوقاري
لبيه ياطاري حبيبي ولبيه= لبيه يا طاري الغلا في مداري
اعيش به لحظات روح تناجيه=يبين منها للمحبه شواري
لو نجحد احساس المحبة ونخفيه=نلقى بها بعيوننا له مواري