صرخة في وجه الظلم والظالم رجل=خان الأمانة يوم هو مأمونها
ماله من صفات الرجال الا الشكل=ولا الرجال عقولها قانونها
الله عطاه حقوق وأعطاه العقل=ضيع حقوق الله وهد ركونها
ضيق على أهله لايكل ولا يمل=طول الشهر حتى تهل مزونها
تالي الشهر لقالوا الراتب نزل=ياكل مرتبها ومنه يخونها
يحسب حسابه بالريال وبالهلل=قارون مات وذا ولد قارونها
الناقص اللي مايعرف الا الزعل=يرضى ليا شاف الفلوس ولونها
أليا دخل بيته شكى ضيق وملل=واليا خرج يسرح ويمرح دونها
بنت الحلال اللي على رأس العمل=تسعى وتكتم دمعها بعيونها
تستر مصيبتها وتبحث عن أمل=الصبر والأيمان هو مخزونها