عبدالله سنيدالحربي=
سلام في ملتقى اللي يكرمون الضيوف=قبيلة الجود كلن فعلها يشكره
الملعبه ودها شاعروخصم وصفوف=واللي نجح نذكره واللي رسب نذكره
مضحي بن جمران=
اهلا هلا بعدها يطيح راس الخروف= للضيف في الحلة اللي طيبهم يخبره
الملعبه جاهزه ونشوف وانته تشوف=ومن لانصره الولي الناس ماتنصره
عبدالله سنيدالحربي=
ان طاح راس الطلي عسى تعبك مخلوف=لكن من حب ضيفه لازم ايخاشره
شوف النقط ياطويل العمرفوق الحروف=لكن حذرى تهقوى بعلم ماتقدره
مضحي بن جمران=
الضيف محشوم لو تحداه بعض الظروف=لوهو يحب القشر الضيف منقاشره
وان زادها قلت له ريح ولامنك خوف=سند مع الدرب ياللي جيتنا حادره
عبدالله سنيدالحربي=
خلاص مابه مجامل جاك ضرب السيوف=وابشر بعلمن يغث البال ويكدره
رحبت بالقوم يومنك مكبل كفوف=وانت اعلوي غير يمسح دمعه وينثره
مضحي بن جمران=
السيف خله بغمده فوق زين الرفوف=مفروض راع الثمين بمثله تبادره
نستقبل الطيبه وهذيك طبعاً تطوف=واللي يزل السنع منجامله نسطره
عبدالله سنيدالحربي=
ان كان تبغى الحقيقه ماصنعت امعروف=اجنازة الميت اتودى الى المقبره
ترى الشعرمعركه تبغى صمود ووقوف=وانشدرشيد الزلامي وانشد المنقره
مضحي بن جمران=
ياعين هلي دموعك بعد سلطان عوف=لكن بعض البشر لاينكسر خاطره
عجوا المدينه ثمينه غير تمر الهفوف=ماقول يمناك يابن الجابري قاصره
عبدالله سنيدالحربي=
حنا هل الاوله ولالحقنا حسوف=معيض كلن يعرفه وانت لاتنكره
عجوا المدينه تغيربعد كثر الصدوف=واهل العوالي تقول حسين من ينصره
مضحي بن جمران=
دامك توجد على اللي راح عام الكسوف=بيت المسافر بعد ماراح من يعمره
عودك علينا مع العدوان دق الدفوف=يامخطر العود هاك العود يامخطره
عبدالله سنيدالحربي=
وراك هلت دموعك لاجل راع الوصوف=والبيت ظللك ياللي كنت تحت اشجره
لبست لك ثوب من نوعين قطنن وصوف=هو ثوب رجال ماني قايل انه مره
مضحي بن جمران=
تحد الازرق ويطمر بك عريض الجروف=ازرق خوالي بعيني كلبوه ثمره
اعامل ارجال لكن لالقيت الجلوف=الجلف ماغشني لو زان لي مظهره
عبدالله سنيدالحربي=
ا نته بناخي يبي لك وزن فحد البلوف=خوالك اصقوروانته طاير الحمره
الصوره اللي لقيناها افمجلة قطوف=امشوهه كلها واوصوفها مغيره
مضحي بن جمران=
انا ولد راعي القودا عشيق الهنوف=احصان من كل وجهه وافتهم يابقره
تزبن العجز حتى يسعطنه رشوف=لاشبعة الخيزرانه من دقاق ظهره
عبدالله سنيدالحربي=
انته ولد راعي وعيشتك عيشة ضعوف=والناهقات انهقت واصواتها منكره
اختامها ياولد جمران ياشوق نوف=اشكرك واليا حصل مني خطا المعذره
مضحي بن جمران=
ابوي بين النشاما بالفعول معروف=غنو بفعله نشاما ياراع الثرثره
مداام هذي علومك ياعريض الكتوف=السيف على المسالم مثلكم ماشهره