محمد الربيقي=
العتيبي قام في تالي زمانه= ينظر السلمان بالعين الكريمه
و ان نشدته قال من باب الميانه= مير صقر يقول له هاذي قديمه
حبيب العازمي=
العتيبي ضلع راسي في مكانه= مايشد و تقعد الدنيا مقيمه
انت مدري صقر ما واحد تكانه= مار قبل الضيق ياطيب الخريمه
محمد الربيقي=
اختلفتم و اتفقتوا بالديانه=كلكم تال الزمان ابناء حليمه
انت لا هالحين ماعندك حصانه= يمكن اول واحدٍ يبرم بريمه
حبيب العازمي=
كان تجحدنا بلاذمه و امانه= امنا ام المصطفى ماهي عقيمه
الجمل شقران مايسحب بطانه= و الشداد اللي يطيح شداد ريمه
محمد الربيقي=
عقب ضموكم عرب بالاستبانه= واحدٍ منكم مكلف بالتميمه
ياعتابة بيتكم عقب ابنيانه= انطوى نصه على عرق الهشيمه
حبيب العازمي=
ابك حنا ماربينا بالحضانه= الحضانة لليتيم و لليتيمه
يالربيقي لاتعيد الاسطوانه= نقمع المجرم على قد الجريمه
محمد الربيقي=
روح للي قالها و اقطع لسانه= و ان سكت اعدها فوقك هزيمه
ان زعلت من الصحيح الدرب عانه= لاتسمي ظلم من كبر الظليمه