ولعي ياحروف شعري عود ندي=وأستبيحي عالم الشعر بجداره
لايهمك حاسدٍ قلبه مصدي= زاد جمر الحقد في قلبه سعاره
وعزفي لحنك على غصنٍ يندي=يجذب العالم عبيره مع خضاره
ياوليف الروح تدري فيش ودي=ودي أن الشوق يمسك لك خفاره
كل مامريت تاخذ منه ردي= التحيه من خفوقي لك أماره
أشهد أن نجمك على الكل أمتعدي= في عيوني شيخ قاضي با الوزاره
وكان قلت أمير تكمل فالتحدي = مالكٍ قلبي وهذا بختياره
ما يطاوع يم غيرك ما يلدي= كنت أقول الشعر فالسابق عياره
بس عقبك صار كل الحكي جدي=فارضٍ ودك على قلبي حصاره
له دفاع القلب عاجز لايصدي =غارة ألآشواق منه الفين غاره
بالثواني كيف باق الوقت عدْي=أستحل الجيش وسلاح ألآشاره
كل مانفذ لقى قصفه يهدي = قايد الميدان سلم له خياره
وريس ألآركان مد الكف مدي=وقعوا له سِلم بصحيح العباره
سلمو له روح ماتبغى تحدي=وش يسوي قلبنا عقب انكساره؟
غير يعقد صُلح ويفاوضه ودي=عل تدمير الحشا يبدا عماره
والتعايش معه في سلمٍ يودي=للمرابح من عقب ذيك الخساره
أيه ودي لو ودي ما تودي= ودي أن الشوق ياخذله زيارة
الهدف منها يسلم له مردي=عل يسمح لي على ذيك العباره؟

ادري انه ما وقف في يوم ضدي=لكن أن القلب ياخذها غياره