المنتـدى هـذا مميـز وعنـوان=تميـزه بوجـودكـم يالوفيـيـن
جهودكم ترسم للابـداع الالـوان=ويصبح لصفحات التميز عناويـن
خوان لارحتوا ولاجيتوا اخوان=مشرع بابه على الطيب والزين
تسلم يمين موسسه طير حوران=خلاه بارز في جميع الميادين
سبحان من خلى جمادا" بلا لسـان=يجمع عيال العم جمـع المحبيـن
ولا هان من ساهم بالابداع لا هان=وياجعل ما سوى بخير الموازيـن
بالملتقى تبقى جهوده لهـا شـان=خلى القرّيـب يلتقـي بالبعيديـن
وحنا نحاول ندعمه قدر الإمكـان=حيث التعـاون دلنـا يالعزيزيـن
نبا نعلي له علـى المجـد بنيـان=يوم احتـوا بمشاركاتـه ملاييـن
اللي يجيله با لوفـا دوم مايهـان=يلقا مع الترحيب نـاسٍ محييـن
أفعالهم لأقوالهـم خيـر برهـان=ولاخير في قـولٍ بليـا براهيـن
يشهد لنا التاريخ في ماض الأزمان=للقوم حرابه ..ول.الضيف مقريـن
واليوم أمان وحاميين/ن/ للوطان=أسٌود في ماقف هل الحق والدين
وليا زهمنا خادم البيت في شـان=جينا إلى الو اجب وللموت شارين
ونبي نثبت للعرب ماهو الأن=أن التفرد والتميز لـه سنيـن
في ملتقانا تستمع كـل الاذان=ويصدر الابداع ويشاف بالعين
في ملتقانا حرب والطيب صنوان=ما تفترق والعز طبع العزيزين
تاريخنا شاهد على مر الازمان=وفي ملتقانا للمشكك دواوين
بأيمان عزوة حرب ذربين الأيمان=لطَّامة العايـل وسـم المعاديـن
كسَّابة الطولات في كـل ميـدان=مع دولة آل سعود أول وذالحين
المنتدى صيته وصل كل الاوطان=بجهودكم ياعزوتي يا سلاطيـن
ولاهمنى لو قاله به كايـنً كـان=معروفة أناجح يجيلـه معاديـن