المشاركة الأصلية كتبت بواسطة شداد الغيداني

قبل السحاب وقبل رشات المطر =غيوم فكري في سمايه ممطره
مثايلاً لاصغتها مثل الدرر =تصوم الجوارح والنوايا مفطره
مع هاجساً لاغاب عن عيني حضر=يفتح له ابوابٍ زمان مسكره
ياخذ شهر واحيان ماياخذ شهر=ولاحسب ايامه ولاعد شهره
احرك اقدامي على الخط الخضر=وانا ترى عقلي لعيني منظره
ولاقول انا اسبح بحر ونحت من صخر=واجيبها بالمنقله والمسطره
انا بشر واخطاي مثل اخطاء البشر=ولاقول اسوي شي وانا ماقدره
مادامت الاذواق به فوق وحدر= كلٍ يجي ذوقه على قد نظره
وانا اعرف ان المبتدا قبل الخبر= وانا اعرف ان العفوا عند المقدره
الناس منجوبين من بطن وظهر=يعني من الجنسين من رجل ومره
لكن اذا ماتوا بعضهم في سقر =حتى لون اجسامهم فالمقبره
والعبره لمن يستفيد من العبر=له في حياته كل شياً تذكره
والصبر وانا من محبين الصبر=قلبي على لوعات وقتي ماصبره
اصارع اهموم الزمن صبح وعصر=ولاحركت في هامة الراس شعره
لو نامت عيوني على حدود السهر= ماهمني ليل ارقده ولا اسهره
ولو كانت اقدامي على جال القبر = ماني بمن يعطي المواجيب ظهره
والا الحقيقه والمفيد المختصر= يكفي قليل الهرج عن سرد اكثره
لو تكتب الحكمه لها بواحد سطر= اخير من كثر الحكي والثرثره