عقب عشر وخمس فرحت بالزريع=ويوم شمت وردها فرقاه لاع
امزعه حكم القدر منها مزيع=حلت مصيبة ملت كل البقاع
احتراق البيت مع موت الرضيع=أفتراق الشمل من عقب أجتماع
ودفنوه وقلبها غادي قطيع=ماحصل شوفه ولو نظرة وداع
الخبر لحظة سماعه لي مريع=كيف هي بلحظته يوم السماع؟
ياإله الكون ماغيرك فزيع=الطف بعقل الضعيفه من ضياع
والله أن الامر ياربي فجيع=لاعتراض ودايمٍ أمرك مطاع
أختبار الصبر في وضعٍ فضيع=مثل نزع الروح في وقت النزاع
كل ماقوله واقدر واستطيع=الله يعوض عليهم طفل ضاع
دعوة اللي صادقٍ وقت الهزيع=هزه الموقف وخطه با لإيراع
مسلم ومؤمن ولأيبغى نفيع=غير دعوة من قرا واجب تذاع