يامرحبا ترحيب باهل الفعايل =اللي لهم تاريخ في كل ميدان
ترحيب باسم الشيخ ينصى القبايل =شيخ البشور اللي على قن واقنان
يبدي بها فواز والراس طايل=للي لفوا فالبيت شيخ وضيفان
عزوة زبيد أهل المهار الأصايل =أهل الرماح امطوعه كل تيهان
..................................................
عسا البقا يهل القصور الضلايل=اللي لها فالجود مبنى وسيسان
يهل النقا والعز قوم ن حمايل=نفخربكم ياربعنا فكل الأزمان
في قدمنا معروف راع الصمايل =شيخ ن على الفزعات من روس شجعان
جينا على الماجوب نوفي العمايل=عملة هل الماجوب بالعرف وإحسان
عادات قوم ن كسبها كل طايل=مانرتضي بالبخس ولا نقبل الدان
حنا لفينا يالبشور الهوايل=اللي تهيل الخصم في كل الأحيان
فواز ياصنديد لطام عايل=ربعك بشر ترجح على كل ميزان
ماشا الله لقات اخوية وادبية وتواصل بين الجماعة والاهل
الله يديم المحبة والاخوة بينكم
وصح الله السنت كل الشعار وبيض الله وجيههم