ياحبيبي لاتلــــوح بنظــــرات الوداع = صاحبك معاد يقوى على منع الدموع
كان ودك تقطع الوصل ويموت الشجاع = ليه تعزف ياحبيبي بنغمات الرجوع
تستبيح الدم والعمر وأيام الضياع = تستلذ بطعنة الروح وأوهام الخضوع
لو بغيت أرد بالمثل قلبي مستطاع = يمنعه سيف المحبه وراء حدب الضلوع
ياحياتي لاتحاول تثير الانقطاع = ماصفالك بالعمر واقتنع خلك قنوع
خيلي مثل السحابه على وجه البقاع = أمطري وروي معا طيش روحي يابتوع
اكتبيني حرف فوق الورق وامرك مطاع = وشربيني كاس قبل العطش ويسد جوع
احفظيني في يدينك مثل حفظ المتاع = ورسميني مثل نقشٍ على كفك سطوع
اسأليني كل مازادت الدنيا اتساع = واسأليني كل مانحرق أعواد الشموع
من يداوي جرح قلبي وزاد الالتياع = من يهجر القلب فالسبت ويرد الربوع
من عطيته روح روحي وسلمته قطاع = يملكه طول العمر تحت تصريف الطبوع
ياحياتي كيف تلبس على وجهك قناع = كيف مايمنع سواتك سجود ولا ركوع
يامرابي قالوا إن المحبه ماتباع = وأنت تعرض بيعها عبر قوقل ياقطوع
والحقيقة مابقى لك معي غير الوداع = صاحبك معاد يشره ولاهل الدموع

صح لسانك اخوي صنت البدارني

وقصيدة رائعة ياخوي ياصنت