بسم الله الرحمن الرحيم

سلامة ابومتعب

ذكر الوطن واجب علينا و قاره*** يالله ياربي عليك إتكالي
خريفنا يوم الوطن و البشاره*** بداية الميزان فخر الرجالي
فيه الوسم و طيّباتٍ ثماره*** ينبت نبات الأرض بعد المحالي
لاهبّت الأزيب نزيد السباره*** للبرق و الراعد في عرض الخيالي
كريم همّال المطر في انحداره*** لاامطر على شم القرى و المفالي
برد الشتاء يذبح قليل الدثاره*** كم واحدٍ أفناه برد الليالي
المسعد اللي عند بحر المحاره*** خبت البحر دافي من البرد خالي
ربيعنا ياخذ وسام الصداره ***غربي و شرقي والجنوب و شمالي
وبنجدنا مثل الحدائق خضاره*** تزهى رياض العاصمة بالجمالي
صيف السعودية شديد الحراره*** في بحورها و سهولها والجبالي
إلا جنوب الغرب بارد نهاره*** محلا هوا الطايف و ذيك العوالي
مكة و طيبة ما عليها تجاره*** نفدا حدود المملكة و الرمالي
شعب السعودية أساس الحضاره*** حمّاية الإسلام في كل حالي
مليكنا منّا بالاعيان داره*** دستوره القرآن و الإعتدالي
خادم بيوت الله و شعبه جداره*** يحميه من جور العدا مايبالي
شدّد على أمن الوطن بالخفاره ***عسكر سعودي ما يهاب القتالي
اللي يعادينا يذوق الخساره ***دار السعودية صعيب المنالي
الإقتصاد العالمي بانهياره*** هدّد لعملات الدول بالزوالي
إلا السعودي ما تغيّر مساره*** يعيش ابو متعب حبيب الأهالي
ينفق لراحة الحجاج بغزاره*** ينفق لشعبه ما يمن الريالي
من فضل ربٍ ما يقل إدخاره*** الواحد العالي على كل عالي
ندعوك ياربٍ ما تنفد بحاره*** تشفي ابو متعب على طيب فالي
ختامها ذكر النبي و الزياره*** شفيع الأمة عند رب الجلالي

الشاعر / عبدالرحمن بن مساعد بن شريان الجحدلي