نفس المكان الى سهرنا به العااام
 

سهرنا به العام
ونفس الطريق المظلم اللي مشيته
قابلته وضج الفضاء جرح واثام
قابلته ..وياليتني.... مالقيته
قال انت وقفت... وقلت انا الدرب قدام
ضحك خطاء... قلت انا الخطاء مستميته
قال الغرام يزغزغ بصدرك انغام
مستبشرن فيني بعينك قريته
قلت الغرام.. اكبر من احلام الاقزام
قال الهوى يومك تبيعه ...شريته
قلت انبتدت عندك حسابات.. وارقام
تذكر وش اول قلب أمنك بيته
تذكر نزف ليله من جروحك الأم
تذكر على شانك يجافي مبيته
تذكر شلون يموت بسكوت منضام
نخل شموخه في يدينك حنيته
تذكر او الي مامضى كله اوهام
معقوله إنك كل هذا نسيته
ياصمت مايرحم يعذبني اجرام
يجتاحني سيل الكلام وضميته
وياضحكتن تاهت على شفاه الأيتام
زرع(ن) زرعته في يدينك جنيته
ياحيف.. ياحب انهدم ليه مادام؟
وانا الذي من دم قلبي سقيته
ياحيف ياحلم انقتل احلى الاحلام
ماكن شي وكان عمر وقضيته
وكانك نسيت ايام.؟..تنساك الايام
تبلاك مثل المسلم الي .... بليته
ياللأسف موتك على حد الاقلام
حرف(ن) كتبته ماعجبني...محيته
والعاطفه خبري بها.. أول العام
حبك في سلة مهملاتي رميتهنفس المكان اللي

اشكركم على اطرائكم الجميل لشخصى المتواضع ونصائحكم التى وسام على صدرى تكون نبراس لى لتصحيح اخطائى ان وجدت اشكر مروركم مجددا ودمتم بخير

آآآآآآآآآآآهٍ ياذا الحنين
دائماً .. مايجذبني ؛ ويعجبني ؛ ويقلقني

( نفس المكان اللي سهرنا به العام ) قلي بربك عن كمية الحنين في هذا الشطر
(ونفس الطريق المظلم اللي مشيته ) وعن كمية الألم في هذا الشطر

قوية .. حينما تحن للألم .. والنتيجة حتما

النــــــــــــدم ( قابلته ..وياليتني.... مالقيته )

خالد عطر السحاب .. إختيار موفق ؛ صح لسان شاعرها .. ولاهنت

صحيح كلمات معبره وفيها الم ومعاناة وقوة تحمل وصبر وحنين للماضى ربما يكون ذكراه الم وربمايكون ذكراه يشرح الصدر اشكر مرورك ودمت بخير