مايشيل حمّل شعيل عشرين مفـرود=
=من وقتنا الحاظـر وعصـرً قديمـي
مال الحمول الكايده غيـر صمهـود=
=اللي يشيل الحمّل صبـره عظيمـي
ياهاجسي انقاء المزاين مـن الـذود=
=خبري بـذودك مثـل ذود الطهيمـي
اليا عرضت جوف المزاين لهـا زود=
=فالمركـز الاول بـهـا تستقيـمـي
محميـةً عـن كـل ناقـد ومنقـود=
=مادام حرف الجزل وسمـت وسيمـي
عدّ الوفا لهـل الوفـا دوم مـورود=
=منهم سعد يالسعـد فالـه حشيمـي
شاعـر مفـوه فالمياديـن مشهـود=
=له حرف عاشق للجزالـه حكيمـي
نعمين ياسيفً على الحـق مجـرود=
=سيفً مضاريبـه بحكـم الزعيمـي
وسلام يالشاعر ترى اليوم مقصـود=
=مثلك يعرف القصد ماهـو غشيمـي
حرً ولك منزال فـي عالـي النـود=
=واليوم في منزلك وضعـك سليمـي
باسالكم عن علّم حاظـر وموجـود=
=ونبغا الإفاده يالخـوي فالصميمـي
مثل( السحاب اللي معه برق ورعود)=
=يسقي وحيـي كـل عـودً هشيمـي
كان البخت والحظ عيا بهـا يجـود=
=لآ شفت نوض البرق قلنـا كريمـي
ولامن تبين بيـت مبنـي ومهـدود=
=امهندسه مخطـي وجابـه حطيمـي
انعاتب المخطـي ونرميـه فقيـود=
=والآ نسيبـه فـي بلدنـا مقيـمـي

يامرحبا عداد ماهبت النود=والذ من تمر الحسا والقصيمي
ببيات شاعر بين الاجواد محمود=راجح عقل شهم وشجاع وحليمي
بقسم القوافي له بصامات وجهود=مشرف مثالي كل نهجه قويمي
ربعه هل الردات لاثار بارود=ياما وياما نزحو من غريمي
لهم مواثيق وقوانين وعهود=في رايهم مايشاركون الحريمي
يافايز الدعوى بها نزول وصعود=لقيت من ضمن السيوف القديمي
شوفي بعيني ياسند كل مضهود=ياكبرها مابين ضيف ومقيمي
من جابها عساه مايكسب الفود= ماسدت الرقعه فتوق اليديمي
عساك تفهم كل غايه ومقصود= مبغاك تحت السين تبحر بجيمي
خل الطريق اللي مشيناه مسدود=عن شرهة العاقل وذم اللئيمي
وعن ماذكرته عالج الوضع بركود= عشان ماتبلش بواحد سقيمي
تبلش يافايز فيه بالسوق والقود=غشيم في شعب المشاكل يهيمي
ماتنعدل ياصاحبي عوجة العود=صياف قبلي قالها للعصيمي
خل التعامل يالمحيسن له احدود=قبلك تعب دكتورها والعميمي

المشاركة الأصلية كتبت بواسطة نداء الغيداني (المشاركة 933523) صحت السنتكم لقد اجدتم بما كتبتم مبدعين بتمكن وليس غريب من شعار بحجمكم بانتظار جديدكما

المشاركة الأصلية كتبت بواسطة رابح الجحدلي (المشاركة 933540) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة أبوليلى (المشاركة 933544) صحت السنتكم شعار كبار ولكم مكانتكم

المشاركة الأصلية كتبت بواسطة الحميدي ابوساره (المشاركة 933567) السلام عليكم ورحمة الله وبركاته سلمتم ودمتم أخوني الشاعر سعد المحمدي والشاعر فايز المحيسن على البدع والرد. . . جزاله وروعه وصحت السنتكم أخوكم ابوساره