قـــــــلــــــــت =
ياسلامي عليكم يـا أهـل حايـل=خص قوم الحليفة و اسر يا ساري
نارد الصافية لعيون ابـو زامـل=حظ من يستضيفه و اسر يا ساري
رد رشيد بن رشـدان الرشيـدي=
البقـا يالمسلّـم و الهـدف مايـل=الثقيلة خفيفة و اسر يـا سـاري
يااهل رابغ ترانا نذبـح الحايـل=مير ماله وصيفه و اسر يا ساري
عــبــدالــرحــمـــن =
جاك سيل الرّمه يا فن يا طايـل=إدّرق بالمنيفة و اسر يـا سـاري
والله انّي ما اجنّب عن لقا الصايل=بشّره بالحتيفه و اسر يا سـاري
رشـــــــيـــــــد =
لـه وادي حنيفـة يمّنـا سايـل=كد عسفنا العسيفة و اسر يا ساري
انت زولك طويل وشتبى تخايـل=كل برق و رفيفه و اسر يا ساري
عــبــدالــرحــمـــن =
بااحتمي ماقفي و ليا انتهى راحل=للعِمَق و الوظيفة و اسر يا ساري