جزل المعاني شاقها راعـي الكيـف=أبيات شعر(ن) شاقت اللـي كتبهـا
أمست تـرازم والقوافـي معاطيـف=في ضامـر اللـي مفرداتـه ندبهـا
سبحان من هو دايم بخلقـه مريـف=أرزاق قاسمهـا لخلـق(ن) وهبهـا
سبحان مجريهـا بيـده التصاريـف=الكـون كـل ومـا حوامحتسبـهـا
اليوم جاك العلم مااحتـاج توصيـف=بعـض المعانـي اليـوم لاتغتربهـا
راع ألفلاحه يزرع اليـوم بالريـف=واليا أثمرت للسـوق راح وجلبهـا
وهناك شفت اللي تعايش على الطيف=و يقول يـا عـزاه روحـي نهبهـا
أسباب ما به قـال بعـد المواليـف=يسمع لبعض الهرج وهمـه طربهـا
وهناك شفت دموع فيهـا سواليـف=تشكي وتخفي الدمع لأحد(ن)قربهـا
دمعة يتيمنـا غربلتـه الصواديـف=فقدان اعز النـاس روحـه تعبهـا
اليوم راع العرف أمسـى ولاشيـف=وأهـل الجهـل للنارجابواحطبـهـا
كلن بحاله داله اليـوم يـا منيـف=والناس من يدرك رضاهـا وطلبهـا
أمسى كبير السن ما لـه معاريـف=ولا عاد لـه مقـدار قبلـت عربهـا
للوالدين حقوق فرض(ن) وتعريـف=وياسعد مـن هوطاعـةالله كسبهـا
مخلوق ياابن ادم من الطين وضعيف=ودنيا ممـر ماهـي مقـر لعربهـا