الله يذكر يوم كنا نعودَهَا=ذيك الديار اللي عشقنا حُدودَهَا
اللي غلاها مِن غلا مَن سكن بَهَا=روحٍ عطت للروح معنى وجودَهَا
كانت سماي اللي تقلِّب سحابِتِي=كانت أحن من المحنَّه رُعودَهَا
كانت سعاده ما قدرت اهتني بَهَا=من كثر ما تفرض علينا قُيودَهَا
يا عين حسبك...ما تفيدك مدامِعِك=كم مرّةٍ توعد وتخلف وعودَهَا
كم ضيقةٍ صاحت:تراني انا لَهَا=وتْسوق حجَّتها وتِشْهد شُهُودَهَا
وتْهلِّ تجهد كلِّ عينٍ بكتْ لَهَا =وْلا فادت آهات العيون وجُهُودَهَا
وِالضيقه اللي احسِب انْها تِبَدِّدَت=جابت عقب هلَّ المدامع جُدُودَهَا
وين الفرح يا عين ...هذي عَبَايِرِي=ويش الوسيله...لا تقولي بِزودَهَا
ويش الوسيله يا "محمد" لِشوفَهَا=ملّيت انا ياخوك كثرة صُدودَهَا
كلْمَ ذْكرت قسوة هواي وْطِياشِتِي=القى قِطِيعه والعناد بْرُدودَهَا
أدري خدعني طيش...وادري ظلمْتَهَا=خنت الوفا والحب واصدق عُهُودَهَا
وادري بكا مَ يْفيد...ما هو وسيلِتِي=بس النّدم بالروح بدّد بُرودَهَا
جرح الهجر...ما زال ينزف...ما نِضَب=نار الوله...ما زال وقتي وقودَهَا
قولوا لها ياخوك ترجع لِدنيِتِي=ما عدْتِ أَقوى يا عضيدي جُحُودَهَا
قولوا لها ما عاد يقوى على جِفَا=والروح ما تقبل سواها عَنُودَهَا

للتحميل صوت 2 ميجا بايت
http://www.herosh.com/download/43118..._.___.mp3.html

المشاركة الأصلية كتبت بواسطة الحب الباقي (المشاركة 781959) صح لسانك مليون على القصيده والله يعطيك العافيه بيض الله وجهك

المشاركة الأصلية كتبت بواسطة فايز المحيسن (المشاركة 783124) صح لسانك ياشاعرنا جرير وبيض الله وجهك ياذيب وقصيده جزله من شاعر جزل

المشاركة الأصلية كتبت بواسطة فواز الزويهري (المشاركة 782092) صح لسانك وييض الله وجهك يالنشمي لك خالص التقدير

المشاركة الأصلية كتبت بواسطة سعودية (المشاركة 783100) صح لسانك اخوي جرير وبيض الله وجهك قصيده جزله من شاعر جزل لاهنت احترااامي