الله خلق فالناس صاحي ومجنون = والله خلق فالناس مسلم وكافر
وخالق جميع الكون بالكاف والنون = أحداً أحد ولذنب هو اللي غافر
سبحانك الله هما يامنشي امزون = ويا مرسل محمد مبشر وناذر
أمبشر اللي فالمساجد يصلون = وفي منهج السنّه ولدين ناصر
ويخرج زكاة المال لوكان مليون = ويصوم شهره ويتبع أست صابر
ويحج بيت الله مع اللي يلبون = واجب عليه الحج لن كان قادر
ويمسك لسانه في مجالس يقلون = ويخلص لوجه الله ولايكون فاشر
هذا الذي يبشر بجناة وعيون = وشياً ماهو فالبال ولا مر خاطر
اللي سكن فيها لوجهه يشفون = نوراً على نوراً يسُر الأمناظر
وحوراً وغلماناً كما الدر مكنون = وكل ماتمنا شي ياتيه حاظر
خالد مخَلّد فجنة الله يحيون = ولا يعرفون الهم وكدّر الأخواطر
شباب طول الوقت والشكل مزيون = في وصفها تعجز لمليار شاعر
ويارب تجعلني من اللي يعدون = فوق الصراط المستقيم الأمعابر
اللي ادق من الشعّر سيف مسنون = وتحته جهنم في لهبها هوادر
وفوقه عباد الله لابد يمشون = احداً كمثل البرق لمحات عابر
واحداً كمثل الخيل مسرع يمرون = واحداً جري من هول شوف الامخاطر
واحداً يعدي مشي لوكان بي هون = مع اللي يزحف فاوله حتى الأخر
وياويل ويل اللي فجهنم يطحون = ولايطيح غير اللي فدنياه كافر
ولآ منافق ومسكنه عند فرعون = وأبوجهل جنبه يعظ إلأظافر
فالدّرك السفل في جهنم بيصلون = ولاله ولي منها ولاله مناصر
ويارب يامولاي ياخلق الكون = تسكني فالفردوس بعد الأمقابر
ولوالدي يارب واللي يعزون = تغفر لنا من كل ذنباً ياغافر

ماشاءالله على هذا الأبداع الرائع

جزاك الله خير اخي الشاعر فايز المحيسن

وبيض الله وجهك على هذه الدره

تذكير رائع بارك الله فيك

وتقبل اجمل التحايا

ودمت ودام ابداعك