تزين الافكار بالمعنى ليا جاء الربيع= وترتع به الذود وتغسل الدهر بالخضار
فيه اتمشّى واسوق الرجل مع كل ريع= وابيع خوة رجالٍ مشيها بانحدار
وارافق اللي لهم بالعرف قدراً رفيع= ربعٍ بوقت اللوازم سيف ولا ستار
وكلاً يغني بقافه قدر مايستطيع= وان جاتلي فرصتي ارضي طوال العمار
واطوّع القاف لين أنه لمثلي يطيع= وتجي معانيه طوعاً لي بدون اختيار
وماسوق غير الذهب . من يملكه مايبيع = هو راس مالي واسوقه كل بادي نهار
وياالله ياللي لغيرك كل فعلاً يضيع= ياكافل ارزاق خلقك في جميع الديار
تدلني وتهديني قبل شيب الرضيع= يامجازي الخلق بالثنتين / جنه ونار
الدين عزٍ لبني آدم وسداً منيع= حياتهم به لها قيمه وقدر و وقار
والوقت دوار والايام تمضي سريع = شوف المصايب عبر للي يبا الاعتبار

ابن هليل صح لسانك

قصيدة جزلة من شاعر لايستغرب منه الجزاله

فيها من الحكمة الشي الكثير

لك كل الشكر على هذا الفكر