ياحروف الشعر سلي خاطري بعد انكساره =سلي اللي لا بس(ن) من بز همه فغترابه
كني الذيب الخلاوي بعد مافارق دياره=يوم حل فوسط شعب(ن) حزنه الماضي خلابه
مايسيٌر فيه راعي من قفاره وانحداره=مابه عيون (ن) كريمه غير سرسوب(ن) شرابه
واوجودي وجد مكسور(ن) تهقوى فالجباره=يوم فكوها تألم واكسروا عظمه قرابه
حال منهو في ديار القوم يبغيله مناره=مير ماعنده عوين وكل يوم (ن) في طلابه
قاصي (ن) بيته بعد ظلا من بيوت الصداره=مير باقي بالطبوع اللي تلبسه المهابه
لا لفاه الطرقي اللي ذاق فالطرقه مراره=يكتسي ثوب المكارم لين ينسى ما مضابه
ولانخاه الجار يِلْبس بالبياض جدار جاره =ولا سعى دون الطلب فص الطلب بالحق جابه
ولايناظر في غزال مر مسرع من جواره=كيف ينظر في حقوق الناس وماعنده غنابه
ياهل الفكره ترا قلبي غدا تشتب ناره=ثم غنى بالطروق اللي على عزف الربابه

المشاركة الأصلية كتبت بواسطة خالداللهيبي (المشاركة 764612) صح لسانك يابو محسن على القصيده الجزله بارك الله فيك

المشاركة الأصلية كتبت بواسطة الحب الباقي (المشاركة 764624) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة حسين مريع العبيدي (المشاركة 764859) الاخ العزيز الزويهري حفظه الله شكرا على هذه القصيدة الرائعة التي هي قمة في الابداع والنظم اسجل اعجابي تقبل التحية