ملتقى قبيلة حرب الرسمي - تبقى مثل نقش الدهر فوق الاحجار

السلاعليكم ورحمة الله وبركاته
من القديم أتمنى أن تحوز على رضاكم

الالف أبدى باسم رب العبادي =واكتب بيوت الشعر والنور بادي
يالله توفقنا لدرب الرشادي=هدي النبي نهج الصحابه والاخيار
والبا بقى ياحر تسمع وصاتي =تنفعك في الدنيا وبعد المماتي
أهمها التوحيد والصالحاتي=وإخلاص فعل الخير للواحد البار
والتا ترى مديون من والدينك=مهمالهم بالخير مدت يدينك
الله على بر الثنينه يعينك=اللي من أجلك سهرو أمرار وامرار
والثا ثوابك في رضا الوالديني=تلقاه في دنياك دنيا وديني
والاخره فايز مع الفايزيني=باذن الله المعبود تنجو من النار
والحا حياة العز عز السعاده=والعز باهل الدين واهل العباده
ولا قليل الدين مال القراده=عايش حياته كلها هم واكدار
والجيم جارك لابد تعرف جارك=قدام ماتنزل وتسكن بدارك
ولياجاورت الجار أحسن جوارك=ترى النبي وصى على سابع الجار
والخا خويك يالفتى اللي تخاويه =لابد من بد المخاليق ناقيه
ويشرفك بين الرجاجيل طاريه=من طيبين الذكر وافيين الاشبار
والدا دروب العيب واهل الرذيله=حاول تجنبها بشتى الوسيله
ماجوفها غير الزرى والفشيله=والشر ماياتيك من غير الاشرار
والذا ذهاب المال فامر (ن)حرامي=ترى محاسب عنه يوم القيامي
أصحى لحالك من دروب الملامي=اللي تجيب لك الملامات والعار
والرا رفيقك واجبك لاتناساه=كمل مواجيبه وداره مداراه
ولياغلط عليك أدمح خطاياه=وفق مابين الربع لاتكون نفار
والزا زمانك لاصفالك ليالي=أصحى يصيبك كبر ولا تعالي
الكبر من أكبر عيوب الرجالي=ويموت راع الكبر في ذل واحقار
والسين سرك لاتبيحه لمخلوق =من خوف يسمع به حسود(ن)ونقنوق
لايعلم(ن)بالسر غير الذي فوق=عالم بما تخفي عباده من أسرار
والشين شاور في الزمن واستشيري=لااحترت في موضوع شاور خبيري
واذبح على ماقيل كبش(ن)كبيري=ماخاب من شاور هل العرف لاأحتار
والصاد صاحب فاللوزم تعده=وصاحب ماتعرف ويش مزحه وجده
وصاحب من الاصحاب صحبته مده=وانته من الاصحاب صاحب لك أختار
والضاد ضيفك لالفا عندك الضيف =كمل مواجيبه وقدمله الكيف
وأدسم قراه ولاتحسب التكاليف=خلك خفيف الظل لاجوك خطار
والطا طمع نفسك يباله جهادي =جاهد هوى نفسك لدرب الرشادي
والحقد لايدخل بجوف الفوادي=راع الحسد والحقد مايعمر ديار
والظاد ظلم الناس بطال بطال=والشرع ينهى عنه في كل الاحوال
واللي ظلم مهما عليه الزمن طال=الله يسلط له من الخلق جبار
والعين عد الحق لاحد طلب حق=ولاتعيل ولا تميل عن كلمة الحق
وأصحى تصدر علم ماهو موثق=للحق حكام(ن)ومارد ومصدار
والغين غيب الناس محدن درابه=ولاتظن ألا خير بحد فغيابه
والشك يبلش صاحبه لاابتلابه=ممكن يدخل صاحبه صحة شهار
والفا فروض الله من دون ريضه=واجب تأديها فريضه فريضه
تبقى لنفسك يالبنادم حقيضه=والله يحفظ اللي يحفظون الاذكار
والقاف قايس كل شي بقياسي=وخلك على صلفات الايام قاسي
بالحرب نار وفالرخا دوبلوماسي=تعرف تخارج نفسك بكل مضمار
والكا كلام الناس شين أستماعه =مافيه غير النمنمه والاشاعه
بعض العرب لاوحى طرف علم شاعه=خلى من الموجز تفاصيل واخبار
واللام لاتسمع كلام الاكاذيب=اللي ماغير تقرب العلم تقريب
الكذب والبهتان أردى العذاريب=دايم حبال الكذب ماتبعذ قصار
والميم مد الطيب لااهل الاصيله=أهل العلوم الغانمه والجزيله
كل شي يفنى غير فعل الجميله =تبقى مثل نقش الدهر فوق الاحجار
والنون نوم العين مايهتنيبه=رجل(ن) تدين دين بعد أبتليبه
مالك ومال الدين أعظم مصيبه=همه يسم الجسم ويعقب أضرار
والها هلاك المال والعقل والروح=شرب البلاوي كلها سم ذاحوح
مالك في بلع التهاويل مصلوح=ترمي بنفسك في المشاكل والاخطار
والواو وسع خاطرك تستفيدي=وخلك سموح القلب رايك سديدي
تكسب رضا من هو قريب وبعيدي =والناس تاخذ علم واعيين الافكار
واليا يقول اللي سمعتو كلامه =صلو على من شرف الله مقامه
شفيعنا المختار يوم القيامه=يوم الحشر نهار زوغات الابصار