سلام خالي من جميع العذاريب = سلام مثل الشمس نوره يلالي
سلام لو يقراه من صابه الشيب = طش العمامة واحتزم بالعقالي
سلام لو سمعه قوي المخاليب = عن هدت المقناص جاه أعتزالي
سلام اقوى من عوى الذيب للذيب=سلام أحلى من قراحٍ زلالي
سلام ياراع الوفا والمواجيب = سلام يارجلٍ عزيزٍ وغالي
سلام مني خاص ياراعي الطيب = تسليمة الهاجوس يومه طرالي
تسليمةٍ ماتقبل الشك والريب=فيها من علوم العرب والمعالي
يسوقها ريحٍ كما نادر الطيب = تمطر سحايب شوقها بإنهمالي
هذا سلامي جاك يبي التراحيب =ماهو سلام المصلحة والتعالي

يامرحبا ترقى بكم للمراقيب =يامرحبا مثل العسل ذوب حالي
يامرحبا لو تنكتب فالكتاتيب= راع القلم طش القلم مايبالي
يامرحبا لو يصل لأهل التجاريب= ماعاد يخترعون فأيا مجالي
يامرحبا من قلب ماهو من الجيب = بدعه من هجوسي ومن شرح بالي
يامرحبا والظن في غيرك يخيب =اما انت قدامي ولاجيت تالي
يامرحبا يوم الوغى والغلاليب =فيه السيوف تنوف رؤس الغلالي
يامرحبا فيها تعم المشاريب =وينِبت ثراها كل ورد ونفالي
يامرحبا ياللي عن البال ماتغيب =لو كان عن مثلك قطعت الوصالي
يامرحبا خالي من النقص والعيب = تاصل لحرٍ يتصف بالجزالي
هذا كلامي جاك وإن ودك نجيب = ازود من اللي جاك سو الدلالي

المشاركة الأصلية كتبت بواسطة نداء الغيداني (المشاركة 705041) صحت السنتكم شعار متمكنين انطبع هذا التمكن من خلال هذه القصائد وغيرها لاتخفى على الجميع بانتظار جديدكم الممتع دائما تحيتي وتقديري