يالله أناطالبك يارب الإرباب =تغفر لعبدك يوم جاك ودعاكا
و من رحمتك يارب تفتح لي أبواب=وفالآخره تجعلني واقف أراكا
و تعصم طريقي من ردى كل كذاب =وأهل الحسد والزور كل الهلاكا
اللي تفرق بالكذب بين الأحباب =بأسبابهم كم عين نامت تباكا
روّح زمان أهل الوفا و فتل الأشناب=و عقـّب زمان(ن) بالــمذّله تــشاكـا
ذي أغنية لراشد بها حب وعتاب =أغليك وآحبّك وأدوّر رضاكا
وإلا أبونايف يدندن ولا جاب =ما غير: يامزيون ما أكثر حلاكا
وإلا مقاطع هابطه بقلة آدآب =هيفاء وروبي كان ربي بلاكا
في شاشةالتلفاز يسرق(ن)الألباب =حتى تجي وتجيب كل مامعاكا
وزادو علينا زود مع زود الأتعاب =بأشياء سخيفة ضيعت مستواكا
يحيى ولميس وكلها نصب نصاب =ومن جاء مهند زاد ربي بلاكا
ضاعوا شباب العُـْرب كله بأسباب =ناس(ن)تخطط والخطط ذي تحاكا
مضمونهاإضعاف قوتك وإكساب =أنفسهم السلطة وغصب(ن)علاكا
القدس روّح بين غاصب ونهـّاب =في يدّ صهيوني يشفـّط جراكا
يالله أناطالبك يارب الإرباب =تغفر لعبدك يوم جاك ودعاكا

المشاركة الأصلية كتبت بواسطة عبدالله عتيق الحنيني (المشاركة 704727) اللي تفرق بالكذب بيـن الأحبـاب بأسبابهم كـم عيـن نامـت تباكـا صـــــح السانـــك مـــليون مره قاف مميز سبك وحبك لا غرابه اكرر الاشاده قصيده جزله من شاعر متمكن بدون مجامله صح السانك