يسراي للطوفه وراسي عليها=وأبكي من الفرقى مثل فاقد الأم
لامن ذكرت اللي جميل(ن) حكيها=ناديت في قلبي وثم قلت له نم
وإحلم مادام العمر فيها وفيها=يمكن يحل الحب ويسافر الغم
خامس شهر من يوم لاحت يديها=قالت وداعا قلت ياقلبي إجزم
ثم قال ياسلطان والله أبـــيها=شف دنيتي من دونها هم في هم
رديت له ياقلب وأنا أحتريها=قال أنت ساكت من شهورن تندم
قلت إيه أنا ساكت وخايف أجيها=تزعل علي وتقول هذا مايفهم
وإليا زعلت ياقلب كيف أرتضيها=وهي غاليه بالحيل في قلب مغرم