|
رقم714 ) باسمه مذله واهانه محلول 00 المغراب من ابو عزااام بيض الله وجهه
كل ماجبت لغز ماتخلونه يرتاح الله يوفقكم
الآن جبت هاللغز مفقد ومنقد على شان يرتاح له كم يوم ــــــــــــــــــــــــــ
وشالذي باسمه مذله واهانه = ولافي وجوده غير ضيق وماذاه اصله عزيز ووالده في زمانه =اصل الحياه وطالب الخير ينصاه دايم بجنب ابوه تلقى مكانه = ويكبر ليا كثر العمل حول منشاه |
سلمت يابوخالد على اللغز الجميل وشكلك هالمرة مبعد مقره بس الله يعين..... تحياتي
|
وش رايك با الرماد؟؟
|
)) اللوح ((
والده اصل الحياه هو اللوح المحفوظ وطالب الخير ينصاه في قديم الزمان كان تلقي العلم يعتمد على الكتابه بالألواح وايضآ التوراة التي أنزلت على موسى عليه السلام كانت مكتوبه في الألواح قال تعالى ))ولماسكت الغضب عن موسى أخذ الألواح وفي نسختها هدى ورحمة للذين هم لربهم يرهبون(( الاعراف 154 والبيت الاخير بإختصار اللوح دايم تلقاه عند النجار ويكثر إذا كان عنده أعمال كثيره في المنجره |
صح السانك يابو خالد الغز من صيغته يبي ياخذله كم يوم اذا سلم من المراميع
المذكوره اعلاه لاكن تكفون يالبوارديه اقضو عليه الهمام الهمام ونا معكم بذن الله |
اولا صح لسانك على هاللغز المليان
ثانيا انا ايد رمعة الكحيله لانها موافقه للحل بانتظار الاجابه والجديد من الالغاز المليانه مثل هذا اللغز تحيتي |
صح لسانك على هاللغز .... وعندي رمعة لها غبره تكرمون ... وش رايك بالتراب بجنب الجحر |
متعب العمري صح بدنك وتقدر تقول صعب
الكحيله وجودك يكفي سعد الحصني ندا الغيداني صحت ابدانكم ومشكورين على الكلام الطيب اما الرمعات كلها اخطت الهدف واللغزبعيد عن جيلنا التالي ولايذ اشوي |
ابو عزااام
صح بدنك وكرمت والرمعه انتظر غيرها |
صح لسانك يابو خالد ومدام قلت صعب ماني مخليه ان ماصبته والا خوفته
|
الساعة الآن 11:39 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir