ملتقى قبيلة حرب الرسمي - ياضيقتن وسط الضماير تثنت

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ياضيقتن وسط الضماير تثنت (http://www.m-harb.net/vb/showthread.php?t=61651)

ياضيقتن وسط الضماير تثنت

ياضيقـة ن وسـط الضمايـر تثـنـت &&&
واستوطنـت بيـن الحنايـا والأعمـاق

وياعبرتـن وسـط العيـون استكـنـت&&&
لا أقبل سـواد الليـل تغرقنـي أغـراق

وحمامتن مـن فـوق الأغصـان غنـت&&&
غنـت طـرب ماتشكـي الهـم وفـراق

ماهـي بمثلـي لأقبـل الليـل ونــت&&&
من جمرتن وسط الحشا صعـب تنطـاق

ونفـس الشقـا مايـوم واحـد تهنـت&&&
بظروفي اللـي محرقـه حالـي احـراق

والجـادل الـلـي مالـقـت ماتمـنـت&&&
تسهـر تعـد الوسـم وتخيـل بــراق

كـم اهدمـت بحلامـهـا وأستبـنـت &&&
كم أرسمت شمس الضحى وقت الاشراق

وكم اصبـرت مـل الصبـر واستجنـت&&&
وضاقت بها الارض الوسيعـه والأفـاق

وليـا أذكـرت مضنونهـا ثـم حـنـت&&&
حنـت علـى ذكـر المحبـه وعشـاق

وراحـت تسـج الرجـل يمـه تعـنـت&&&
لجل الغلا والحب تمشـي علـى سـاق

برسل على الجوال واكتب علـى النـت&&&
وانسج حروف اسمك على كـل الأوراق

والله ماخـون اللـي لقـربـي تمـنـت&&&
والله ماخون اللي لياضقـت انـا ضـاق

11/3/1431

ماشالله تبارك الله
صح السانك يامتعب الفهيدي
بيض الله وجهك 0 قصيده رائعه جدا
لاتبخل علينا بمثل هالدره
تقبل تحياتي

ماشاء الله ماشاء الله تبارك الله
سلم رأسك يامتعب
صح لسانك وبيض الله وجهك شاعرنا القدير
كتبت فأبدعت
واستمتعنا بالقصيدة الجزلة اللي مايجيبها ياكود جزل مثل وشرواك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك

قصيدة رائعه بروعة حضورك

لك تقديري


	صح الله لسانك ولاهنت وسلم فكرك وبنانك دمت برعاية الله وحفظة

سطرت ابيات عذبه ورائعه يامتعب صح لسانك بارك الله فيك

صح لسانك أخوي متعب الفهيدي... قصيدة سلسة وكل بيت يجر للبيت الاخر ,, لله درك على هالغزلية.

ماشاء الله تبارك الله
صح لسانك يا خوي متعب على هالقصيد الرائعه
وأتمنى أن لا تحرمنا مثل هالدرر
تحياتي لك وموفق خير

صحت ابدانكم جميعا وشرفني مروركم