مرحبا عند الرجال اللي هقوايهم بعيده=فالسنين الحاضره والا السنين الماضياتي
عين يم أهل الرياض وعين يم أهل بريده=المواقف حاميه والباقيات الصالحاتي

والبقا لأهل البقا والله يدبر مايريده=بالسنين الماضيه والحاضره والمقبلاتي
التفت بعيونك اثنتين للموضوع سيده=لا تصافقك الروابع تصبح أفكارك شتاتي

ياعسى برق المزون اللي مخايلها سديده=عقب خيل ترتوي منها الكبود الضامياتي
يامحمد لو مليت وعاءك من بركة زبيده=كان أبشيمك وقدرك تقديري لذاتي

أبشروا بالخير يا الأجواد والرحله سعيده=والسماء أشوفه يلوح بروق من كل الجهاتي
كل يومٍ تطلع الحساد بوجيه جديده=والصحيح الواقع المشهود واللي فات فاتي

أنت خلك منتظر لين الاحساء ترجع مديده=ياعسى تمر الاحساء يملأ البطون الجايعاتي
يوم أعاين في حلال البدو ماباقي شريده=ليتهم جاروا زمنهم فالظروف القاسياتي

الضعيف اللي يحط الذيب نابه في وريده=والفهيم اللي تبين الشمس صاحي مايباتي
العوارف ماتبا طق الحديده بالحديده=والعواذل ياطويل العمر ماتبقا السكاتي

الضعيف اللي يجي ويروح والهرجه تكيده=يامحمد ودي أوصيك وانت إحفظ وصاتي
القصيده شامله والعلم في بيت القصيده=إعرف إني مالقيت انسان مثلك في حياتي

بارك الله فيك كلٍ حافظٍ جيبه رصيده=إن بقيت العلم ياشاعر غناتك من غناتي