باسم الوطن اكتب من الشعر موجز=عن صفحة التاريـخ واللـي كتبهـا
هذا بلد مـن فضـل ربـي معـزز=بأغلـى بقـاع الأرض والله وهبهـا
واختار لهـا عبدالعزيـز المعـزز=قـدّم لهـا نفسـه وحقـق طلبهـا
الفارس اللـي بالشجاعـة تمركـز=هلـل و كبـر والقضيـة كسبـهـا
لقّى لها وجهـه بمجهـود وانجـز=الـدار داره و الأعـادي حربـهـا
بكلمـة التوحـيـد رز العـلـم رز=حكّـم كتـاب الله واحسـن أدبهـا
نورٍ بدا مـن نجـد بالمجـد حجّـز=وصل الحجاز وخطته فـي ندبهـا
إصطاد صقر و صقر من ماقعه فز=ذي حالـة الدنيـا لمـن لا حسبهـا
ارسى قواعدها و رفع رايـة العـز=ليا دعت باسـم السعـودي اجبهـا
والصقر كمّل في وجوبـه وتميّـز=وبنت الجزيرة لبسهـا مـن ذهبهـا
لاقى الكريم وماقف الصقر ماانهـز=عساه فـي الجنـة وحظـه جلبهـا
خلّـى لهـا درعٍ حصيـنٍ مجهـز=قـام بحماهـا والعـدو مـا قربهـا
مثل الجبال الشامخـة مـا تهزهـز=حي الرجال اللـي يشـرف نسبهـا
كلٍ تمركـز فـي منابـه و ركـز=و أدى الأمانة ما اشتكى من تعبهـا
واللي يعبر عن اهل المجـد يعجـز=كل الشهامه والكـرم فـي عربهـا
وباسم الوطن اكتب من الشعر موجز=عن صفحة التاريـخ واللـي كتبهـا