وين انت ياللي تشب النار = اقلط على النار مشبوبه
بلاحسك نار بن عمار = وشبها في طرف ثوبه

برميك في وسطا محتار=مار استقـم وعلن التوبه
ونار ابن عمار للا اشرار=اللي على الكفر مجلوبه

ماعندك الا علوم كبار =جرتك من عصر مقضوبه
النار تاقع على الشعار = كم واحدن ناقخ ذروبه

تاجر واتاجر مع التجار=يوم أن دلتـك مصبوبه
والنار يعـلـم بهـا الجبار=والعاصي مايعلم أذنوبه

ما احدن شهد ياطويل اشبار = فنجال دلتك مشروبه
هذيك نارن مافيها ثار = من عالم الغيب مكتوبه

وش فيك ماتكرم الخطار= والخاطرالناس هلوبه
نارٍ تلظى وفيها اخطار=يحليل من صوبها صوبه

الضيف له عندنا مقدار = مير انت ضيفتك مقلوبه
نارك تعود رماد غبار = خليتها فيك مسحوبه