منقووووووووووووووووووووووووووووووووووووووول=
تركي الشيخ=
سلام رده وافيه في منتدى ربعي زبيد = طال الزمن والا قصر مايختلف مضمونها
والثانيه والثالثه والرابعه يااهل القصيد = الشاعر اللي من ورى الهقوى لايصبح دونها
ماهر=
يامرحبا ترحيبةٍ تبنى على الساس الجويد=مايختلف ميزانها مايختلف قانونها
واللي بعد ياصاحبي ما للحديد الا الحديد=والملعبه ليلى وليلى جالها مجنونها
تركي=
لا غاب ابو زيد الهلالي سد بالميقاف زيد = واظن خلق الله ماشافت زيد شوف عيونها
البارق اللي جاك وقت القيض ماظنه يفيد = لو انه اسقا النخله الخضرا كسر عرجونها
ماهر=
زيد الهلالي حامي الميقاف بالراي السديد = ياما كتبناها شرف وشلون ماتقرونــــــها
لا والله الا برقنا يحسب لنا مجد(ن) جديـد = والشجره اللي ماتظل الظل لا تطرونــها
تركي=
القول غير الفعل مار الله يدبر مايريد = طب المعارك وادحم اللي تدحمك بمتونها
حنا سمعنا علم ماهو زين من ساع البريد = يقول شاف السوس وسط التمره وماعونها
ماهر=
يا تركي اصحى لا تجي من تحت سيف ابن الوليد = سيفه ليا سله ورد العلوم ما تردونها
دايم علوم مسيلمه يمشيها القلب البليد = رد البضاعه لاهلها واهل الحسد يشرونها
تركي=
ياللي تهدد منت في تال الدعاوي مستفيد= جمره لياهب الهوا تطفي على غليونها
ترا البلا لو يخبر العساس هارون الرشيد = صارت قضيه ياطويل العمر ماتحمونها
ماهر=
صادر قرار المحكمه بالصك يالقلب اللهيد =والعين لاحمرتها بالنار نعمي نونها
هارون ما يسمع علوم القلقله لكن هيد=و البنيه اللي مالها سيسان لا تبنونها
تركي=
انته مداك اقريب ياماهر وانا شبحي بعيد = اليا نويت القوم يابوناب ادك احصونها
حنا كشفنا السر لكن لاتزيد ولاتعيد = جاتك هديه والهديه منفري كرتونها
ماهر=
ماهر كسر راس الهدف والشيخ رميه مايصيد=وقرون روسٍ كل ما بانت كسرت قرونها
دعواك هذه فاضيه مفلوجة(ن) من كل حيد=ياشاهدين الزور نقص اشنابكم فدقونها