|
قصيدتين للشاعر محمد عبيد الربيقي..
. . . أسعد الله جميع أوقات الجميع بـــ كل خير،، يسعدني أن انقل لكم هذه القصيدتين للشاعر القدير محمد الربيقي ، وماهذا الإ امتدادا لإبداعه في ميادين المحاورة ، حتى اصبح احد الارقام الصعبة في قبيلة حرب..
=(الشيب ) الشيب يانايف غزاني و أنا شاب ..=..شيبت قبل إنه يشيب سنيني ماهو نتايج كبر راسي إليا شاب..=..هذي تراها من نتايج سنيني ضحكت مع دنيا الشقاء تيه و إعجاب..=..وسكتّ مدري عقبها وش يجيني ولاحظت بالأصحاب نظرات الإغراب..=..وحوادث الساعه تبيح كنيني وبلا جدل علقت نفسي بالأسباب..=..اللي مع المعبود حبلٍ متيني لأن الدعاء مخ العبادة والأسهاب..=..مع الخطر مغرة الغافليني يجري قطار الوقت والخلق ركاب..=..وهناك بالماقف حسيب وضميني ومن لاحسب لنهاية الرحلة حساب..=..عده من اللي مابقلبه يقيني
(المعاني..)= أنا والله إني يوم سقت المعاني سوق ..=..أبيها تجي من صالحي و طلعت ضدي بغيته يداوي ردها خافقٍ محروق..=..من الوقت وظروف المقادير متردي بلاشك لي حقوق و أدري علي حقوق..=..مثل ماعلي و لي بالمزح والجدي حريصٍ على المعنا حريصٍ على الطاروق..=..وكثرت عليه وش أخلي وش أبدي ولا كلّ سوقٍ يعتبر للثمينه سوق..=..ولا كلّ من يمشي من الناس متقدي لهذا حذف القفل من خزنة الصندوق..=..من الهاجس اللي عمره يجيب ويودي وانا يوم أجر الصوت ماهي دواعي شوق..=..دواعي هجوسٍ وقفتني على حدي..! مع وافر تحياتي لشاعرنا وللجميع هنا،، . . . |
صح لسان الشاعر محمد عبيد الربيقي
ماشاء الله عليه مبدع بالنظم والمحاوره الله يطول في عمره الله يبيض وجهك اخوي فهد وماقصرت يالغالي |
روعه ونقل جميل ومشكور اخوي فهد المحسن
|
ماشاء الله عليك يا ابو عبيد جمعت بين شعر المحاورة و النظم و مبدع في المجالين
حقيقة أن الشاعر الكبير / محمد بن عبيد الربيقي يشرفنا سواءً في المحاورة أو النظم وهو من كبار شعراء المحاورة بالسعودية و لو أن الاعلام لن يخدم أبو عبيد وهو لن يبحث عن الإعلام ... و لكن أبو عبيد معنى و صوت و هذا هو مطلب أهل الشعر و متذوقيه و لكن للأسف جماهير شعر المحاورة في وقتنا الحالي لايهمهم المعنى ... كما اشكرك اخي / فهد المحسن على هذا النقل الجميل و لاتخلينا من قصائد ابو عبيد ... |
صح الله لسان الشاعر الكبير محمد عبيد الربيقي ولاهي غريب الجزل على راع الجزله ومشكور على النقل
|
صح لسان الشاعر/ محمد بن عبيد الحربي و حقيقة اول مرة اسمع له شعر نظم افااا يا الربيقي دايم نقول عطنا من شعر النظم و تعذر مااااااار هيِّن هيِّن و الله اول ما اقابلك في اي حفلة لأطلب منك هذه القصائد
و مشكور يالفريدي على النقل الموفق |
صح لسان الشاعر الكبير محمد بن عبيد الربيقي
خليفة صياف كما أطلق عليه الشاعر الكبير/ سلطان بن وسام الهاجري في مسابقة شاعر المعنى و الإبداع و قوة الشعر ماهي مستغرب على بن ربيق مشكور اخوي / فهد المحسن على جهودك المميزة |
كل الشكر والعرفان الي الاخ فهد علىما قدمه واستطاع الحصول على هذه القصايد من الشاعر الكبير محمد عبيد وصح لسان شاعرنا ونتمني منه المزيد وأبوعبيد موهبه شعريه ظهر بشعره ولو نقارن بينه وبين شعارأعطوا أكبر من حجمهم الشعري ولكن بدون معنى شعري كذلك تعليق الأخ مفراص ماص جميل وطيب كعادته
|
حريصٍ على المعنا حريصٍ على الطاروق..
..وكثرت عليـه وش أخلـي وش أبـدي ((ولا كلّ سـوقٍ يعتبـر للثمينـه سـوق.. ..ولا كلّ من يمشي مـن النـاس متقـدي )) ((لهذا حذفت القفل من خزنـة الصنـدوق.. ..من الهاجس اللي عمره يجيـب ويـودي )) وانا يوم أجر الصوت ماهي دواعي شوق.. ..دواعي هجوسٍ وقفتني علـى حـدي..! فهـــد لاعدمنـــــــاك عنواناً للأصالــــــــه. صـــــــــــــــح لســـــــــــــــانك ياشاعرنـــــــــــــــا مبـــــــــدع في جميـــــــع حالاتكـ. تحيــاتي |
اقتباس:
. . حياك الله يا خالد،، شاكر و مقدر مرورك الجميل،، |
الساعة الآن 08:41 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir