ذيب الشمال

ياسلام الله علا الشعار=والعرب وش صايرن فيها
يافهد ترا العلوم اكثار=ودنا معكم نسريها

فهد المخلفي

مرحبابك والصدور اسرار=شي منها باح مافيها
سرها يالقرم يالبيطار=لين تاصل حد تاليها

ذيب الشمال

ياعميلي كثرت الاعذار=ولانبا نبحث خوافيها
يالربع مامات ابو عمار=احسب الدنيا مخليها

فهد المخلفي

يالشمالي زيد ويا ذعار=كن كنوز الارض تحويها
الرجل يتعب على المقدار=وغيرها ياليش محريها

ذيب الشمال

الرجل مايروح له مشوار=لاحلاولاالله محليها
شفت لي كداد بالدوار=عكس والانوارمطفيها

فهد المخلفي

الحقيقه سيفنا البتار=لو ماتحسه علابيها
رجته وده للاخطار=شلته يارب تشفيها

ذيب الشمال

ماتدلونه يروح اشهار=كانبه عله يداويها
ياجماعه هذاليل انهار=واعيون الله معنيها

فهد المخلفي

المجنن بالبلاد اكثار=وين يالطيب نوديها
دايم صدور الرجال كبار=ودايم الزله تعديها