ملتقى قبيلة حرب الرسمي - تركي الشيخ % سعود المحجان

تركي الشيخ

هلا يامرحبا والليل روح والعباد ارقود = وانا عيا يجيني نوم والرايات مرفوعه
والا ياسعود لا تغضي عيونك لدها ياسعود =ترى النادر بعيد الحوم والرايات مرفوعه

سعود المحجان

يدوم الك البقا ياللي ترحب والله المعبود==ترى بعض الصدور اهموم والرايات مرفوعه
انا ياصاحبي ذيبن واعرف البيض غير السود=عسى حظ الرفيق ايقوم والرايات مرفوعه

تركي الشيخ

وعدت الشيخ في حاجه وقرب يومك الموعود = نبي نعرف من المهزوم والرايات مرفوعه
والا ياذيب خلك ذيب وارقا باالزمان اسنود = لاتنكف بين ليل ويوم والريات مرفوعه

سعود المحجان

انا ماخلفت في وعدي وانا هالحين انا موجود=رجل ترثة رجال اقروم والريات مرفوعه
انا راقي على ساقي ولو هبت هبوب النود=انا ماني خوي ارخوم والريات مرفوعه

تركي الشيخ

نبي انسير علاك ونقضبك كانك قوي اعضود = يبى يقفا العلوم اعلوم والرايات مرفوعه
انا رجال وافي واعرف ان الجود بالماجود = لكن ما ارضى با اقل السوم والرايات مرفوعه

سعود المحجان

انا ماقلت لك مرًه أمير ومن عريب جدود=وانا والله قوي اعزوم والرايات مرفوعه
انا ياتركي اعرفك تبيها مزح يالمقرود=ترى وضعك سما ونجوم والرايات مرفوعه

تركي الشيخ

ماني سارق ولا مزاح عندي للعلوم اشهود =واميز بين صقر وبوم والرايات مرفوعه
نويت ارسل على المحجان في دار الصباح اجنود = على عز وشرف وسلوم والرايات مرفوعه

سعود المحجان

على مهلك ولا تهلك و الا يالشاعر النمرود=نبا نفصل عليك اهدوم والريات مرفوعه
على عز وشرف حيت ياتركي بلا منقود=انا وياك مثل التوم والريات مرفوعه

تركي الشيخ

ثيابي ساترتني بس ابي غتره وابي لي ذود = ما ابي ثوبٍ بدون اكموم والرايات مرفوعه
سلمت ولاندمت وخل بابك بالمساء مردود = ولا يلحقك مني لوم والرايات مرفوعه

سعود المحجان

تقلع يالرفيق اللي تحسب النقص زي الزود=نبا نعطيك من هالثوم والرايات مرفوعه
انا ذيبن لقاله بالخلا هاك الجمل مفرود=ورى تركي كذا منجوم والرايات مرفوعه

تركي الشيخ

ترحب بي وتطردني والا يالطارد المطرود = نحدك بين فرس و روم والرايات مرفوعه