ملتقى قبيلة حرب الرسمي - رايد العالي وبدر السحيمي

بدر السحيمي

يلـي يسلـي نبـاك
حنـا ترانـا نـبـاك
وانته تسـد اللـزوم
ماحصل(ن) لك قصور
حنا بنينـا القصـور
ماقـدر الله يصـيـر

رايد عسى الله يحييـه=عالي وله قدر عالـي
مشروع من دون توجيه=ماهو قريّـب مجالـي

رائد العالي

يوم استوى عشبها
ياصاحبي عش بها
لكن هات العلـوم
مـن صـدرا وردا
خل الغثـا والـردا
ماقدر الله يصيـر

مـن قـال يالله تبقيـه=حبوب فـأول وتالـي
مشروع في حكم راعيه=مالك شغـل ياحلالـي

بدر السحيمي

ناوي على طبها
لكن لو طبهـا
معاد يبقى رخوم
وانا حزام وردا
لكن قم ور داء
ماقدر الله يصير

مفاتني كـل تمويـه=ارقى بهـا فالجبالـي
لو حدد الجرح اخاويه=لـكـن ياهمـالالـي

رائد العالي

اللي معه راحلـه
العد مـاراح لـه
صلى وهو مايصوم
البيت والباب لـي
يالحصن البابلـي
ماقدر الله يصيـر

بيتي على عز بانيـه=ماهوب جرفً هيالي
الجرح يلقى مداويـه=والضيف يلقى الدلالي

بدر السحيمي

رايد رسم له مسار
بكره يجي علم سار
مدام يرقى الرجوم
مير السلف كم سار
لوكان فيهم سمسار
ماقـدر الله يكـون

جيـد ولا ماتمـشـيه=رابي مع قوم احتيالي
اخـوك لازم تجاريـه=وان صار جاها الزوالي

رائد العالي

لو تشتهر بالدها
الطيبـه بـدهـا
دنياك لاهل العزوم
وان كان لابدهـا
تراك مـن بدهـا
ماقدر الله يكـون

بين الرضا والمشاريه=وامثالنـا مايُنَـالـي
لاوالله الشين نرميـه=والمال مالك ومالـي

بدر السحيمي

لوكنت شاعر وطن
حملك بكيلو وطن
اثرك تعرف تعـوم
الرمح اصابك وطن
انظر قدم لاوطـن
ماقدر الله يصيـر

دايم غـروره مغويـه=واليا قربتـه يالالـي
ياكثر هرج(ن) بنوحيه=هذا جناحـك محالـي

رائد العالي

يـابـدر لــولا ولا
تخضـع وتعلـن ولا
من قو ضرب السهوم
ومن البدايـه والـى
ماجيـت غيـر اولا
ماقـدر الله يـكـون

بدر عسى الله يعافيه=يرمي خلاف الظلالي
نور القمر من يطفيه=والطيب فالك وفالـي