اليوم ياتركي نبا نمشي مع الدرب الخطير = لكــــــن لابدك تحاســــب والــــقدم تمهلها
صدام روح ياعرب وأخاف يقفاه البــشير = بعض المسايل ياعرب يصعب عليكم حلها

أجل توكـــلنا على الله ياعسى فالامر خير = دل الطـــــرايق كـــلها والــشيخ معك يدلها
الـــــــدايم الله هذي الدنيا رحاها تستدير = سل السيوف الحدب في وقت اللقى وأسلها

السر يارجـــــــال لايطلع نبيه فوسط بير = وأنت المـــــواقف ياولد لا بـــــــد ماتعملها
صدام يارجال بين الناس مقطوع النضير = إما بشــــــير إن طاحت الأحمال مايشتلها

الكنز في قاع البحر والسر في وسط الضمير = لكنك اسبح فالبحور الهوج والا خلها
الفـــرق بالاثنين هذا سيف والثاني جفير = ما انــــته محصل دولةٍ ياصاحبي تحتلها

نبغى نحطك للعرب من بعد هذولي سفير = لاكن أخاف الغرب تضحك معك وتطبلها
بعض العرب في ماقفه يجفل ليا سمع الصفير = عساك يارجال وقت الكايده تحملها

ماأنته ملك دوله ولاريس ولاتصلح وزير = والغرب انا ماني معاملها ولا اعرف دلها
انته تبى سرج الفرس والاتبى اشداد البعير = خل العلوم اللي على خاطرك ماتوصلها

من بعد هذي ناصحك بالله عن الماقف تدير = الناس تدخلًك مع البيبان ماتدخل لها
إن كان تبغى الصدق يارجال دورلك شوير = أنــــته غــــفلت وسالفتنا منته إبفاطنلها

انا احتمـيت الماقف الغصاب بالسيف الشطير = بلغ تحــــــياتي لربعك ياحزام وقلها
الذيب لو يغدي يعود والعوارف ماتحير = انـــــته علومك دقها ياحزام يشبهه جلها