اهموم قلبي تزيد اليا أختفت زهره =يازهرة الشام وأوالها وتالها
ياواحة الحسن ناد الحب والسمره = ياغاية النفس فرحتها وامانيها
من شانك الحال ماهي عال مندمره=ما عاد تهدا ولو حاولت اهديها
كم ليلة نمت والأفكار منحكره =علي تشكي هموم ن لا لله أشكيها
ابيك دايم واخاف الناس والعثره=أحدود من بيننا صعب ن تعديها
اسئل رجال الوفا والعلم والخبره=ارواح الأطفال محدآ مرخصن فيها
والله لولا جدر البيت والبذره= لاحوش مملك من الموال وشريها
لاكن نصاك الحبيب أمقدمن عذره =والعالم الله أبينها وخافيها
قلته ونا صادق الأحساس من عبره=الله من حسرة ن بصدر مخفيها
كم لي ولشعر ناسن جمعه او نثره =ونته بعد ماتت الأفكار تحييها
أحييتها بلغلى يا طيب العشره =لين اصبحت دوحة ن متفيءن فيها
وليوم ابقول قول ن جايزن نشره = وابعلنه للملا لومهو مرضيها
حبيت لو فرقنا من واحد لعشره =واليوم ياناس مع نفسي مساويها
غصب ن علي او عليها نقبل القدره =ونعيش باقي ليا لينا بما فيها
بعيد عني ولي اقرب من الشعره=الي على العين يوم أتشوف غاليها
مدري وش الي بقي من عمري او عمره=ويامنا المقبلات الله يسويهاا
تعبت افكر او عيت تطفي الجمره =واليوم يا غازي اشرح لك خوافيها
أنا رهينن لمبسم ناعم البشره =الي ولو شفتها بلحلم تغليها
لاشفتها أنسى عذاب الوقت والحسره=واطير مع كوكب السمار أباريها
شرحت لك ياوسيع العرف والنضره=ببيات شعر ن بدهن العود طاليها
هاذي خفايا صديق ن نافذن صبره =تكفيك والنفس ما فيها يكفيها