فارس الحرف=
"=
سلام تسليمه لها قيمه ومعنى واحترام=نعدها واللي عقد روس الحبال يحلها
مادمت يالرحال راحل لا تجي في حد يام=اللي يجي في حد يام اتموت ربعه كلها
"=
الرحال=
"=
يامرحبا طيب ونبا يااللي بدانـا بالسـلام=يابوسعد واهـل الدلايـل ماتغيـر دلهـا
نرحل ونرجع والفعول شهود ماهي بالكلام=دامك تكلم باسم يام ارجـع ليـام وقلهـا
"=
فارس الحرف=
"=
دام البقا لله واللي فالمواقف ما تظام=والحمله اللي جايره نوخ لها وشتلها
اللي نضج قرصه معاد الا يحضر فاليدام=لاكن دوّر شجرة ترتاح بطرّف ظلها
"=
الرحال=
"=
أثّر علاك اللي يـحللها ولوكانـت حـرام=بالك تبا تخشر معـه لكـن هـذي زلّهـا
لن جاد حب السنبلة جيناه في يوم الصرام=أناوكيل القوم فـي دقّ العلـوم وجلّهـا
"=
فارس الحرف=
"=
ماتدري ان العيد يلفي بعد شهر من الصيام=تلبس به الناس الجديد وكل كبد يبلها
لن جاد حب السنبلة مالك شراب ولا طعام=تمسح دموعك والسيوف المرهفات انسلها
"=
الرحال=
"=
عيدي سنة والاّ انت عيدك يوم تحلم به حلام=واصل صيامك والحلوم اوهام ماتاصل لهـا
ياكثر هدرك ياجملنا وانت راسـك فالخطـام=عشرين سيف مسلّطة فوقك ولاتفطـن لهـا
"=
فارس الحرف=
"=
انته تباها فاللحم ولا تباها فالعظام=معاد تنفعك الجموع اللي تبا ترسلها
مار افرحي يا ام القيود اللي لها 50 عام=ام الزميم غطرفت تسمع حداية خلها
"=
الرحال=
"=
هذي سواليف السعة لاانته ولاقايم مقام=لاثارت الهيجا وعجّ غبارها ينزل لهـا
إقبل عزانا فامّ قيد وداو جرح ام الزمام=والكلمة اللي مثل هذي لاتزيـد تعلّهـا
"=
فارس الحرف=
"=
انته علومك تصغر وتكبر كبر بيض النعام=احرس عمامك لاتضيّع ضانها مع بلها
ام الكبايرفعلها جاير تحت جنح الظلام=ون ما أفجعتك ام الكباير فاعجتك اخت الها
"=
الرحال=
"=
العام سدّيت الدروب اللي تبلغـك المـرام=واليوم لاصعبت عليك احفر لها وادفن لها
يابدو سيل الضلع لايقتش سكان الخيـام=بعض العرب ماميّزت في عزها من ذلّهـا
"=
فارس الحرف=
"=
السبع ماترقد عيونه وانته عيونك تنام=في نومة النايم سباع الليل تبرد غلها
يالشاعر الرحال طاب الفال ونقول الختام=عندك وانا وياك سمحات الدرب اندلها
"=
الرحال=
"=
يااللي تركت الفرض وتصحي الخلايق للقيام=ليتك تفقّد مابقي لك مـن صـلاة وصلهـا
العذر منكـم والسموحـة لاتلـوم ولاتـلام=واصحابنا لوطال مشوار السفـر مااملّهـا