هذا الطارق الذي جرى بين شاعرنا سليمان القصيري والشاعر حبيب العازمي عام 1425هـ تقريباً في الروضه بمنطقة القصيم حظرها نخبة من شعراء المحاوره امثال راشد السحيمي وعلي الحصني وغيرهم
اتمنى ان تنال استحسانكم

سليمان القصيري=
حبيب يعرف انه يعلم الله بين عين و عين=ورياجيل(ن) تعلمنا ورياجيل(ن) نعلمها
توكلنا على الله والسفينه في بحر تسعين=انا احزامي قبيلة حرب والناس ومحازمها
حبيب العازمي=
عسى ربي يسلم هامتك وعيونك الثنتين=صغار القوم جنبها . كبار القوم صادمها
وحنا ربعك العتبان هيبتنا تهز الصين= خشوم القوم نفركها عيون القوم نلطمها
سليمان القصيري=
وصيه من معلم ثم سجلها القلم هالحين=تحن ام الحوير من شهر مصرور قادمها
وحنا حرب حرابة دول مثل الجبل راسين= نعز اصحابنا والقوم يا ابو زيد ناسمها
حبيب العازمي=
مدام ان المطر زلت حتونه والديار اسنين= تحن ام الحوير والشجر يجرح براطمها
تعلمنا وحنا بالخبر باول شهر دارين= رسالتك القديمه جالها واحد يترجمها
سليمان القصيري=
لك الله ياحبيب غير اللعبها على الحبلين= وعند القوم مضلومه لعل الوقت يضلمها
وتال الوقت شفنا الوقت ميل مع رعاة الضين=وروس امسح عليها مسح. واما روس احجمها
حبيب العازمي=
مدام ان السفينه مبحره في غبة البحرين!= يفجرها العتيبي وانت يالحربي تلغمها
رحمنا دمعة المظلوم هلت دمعت المسكين= نزيد المعنويه معنويه ما نحطمها
سليمان القصيري=
نلغمها بابو عنتر ولد عم الشريف حسين= واخو مره على اليتمان ياحبيب يقسمها
احد يكفيه صفقه واحده واحد(ن)على الخدين=اكسرها واجمعها وافسرها واترجمها